Hello!

Stay up to date with New Naratif’s latest stories and upcoming events with our weekly newsletter. No spam, just good content.

* indicates required

Your Email Address *

வேட்பாளர்களுடனோ அல்லது கட்சித் தலைவர்களுடனோ நேரடியாகப் பேச ஒரு வாய்ப்பும் கிடைக்காதவர்கள் எப்படி அவர்களது குறைகளை நிகழ்ச்சிநிரலில் கொண்டுவருவார்கள்? மக்கள் தங்களது குறைகளைக் கூற மற்றும் தங்கள் அரசியல் ஈடுபாட்டை அதிகரிக்க இருக்கும் ஒரு இடம் நியூ நரடிஃபின் குடிமக்களின் நிகழ்ச்சிநிரல் ஆகும். நீங்கள் மலேஷியா அல்லது சிங்கப்பூரில் வசிப்பவராக இருந்தால், கீழே நகர்த்தி எங்கள் பொதுமக்கள் கருத்துக்கணிப்பில் பங்கேற்று உங்கள் நாட்டிற்கு முக்கியமானது என நீங்கள் கருதும் குறைகளை எங்களுடன் பகிருங்கள். இந்தப் பொதுமக்கள் கருத்துக்கணிப்பு மூலம், நமது சமுதாயமான நீங்கள் அக்கறை கொள்ளும் விஷயங்கள் மீது கவனம் செலுத்தப்படுவதை நாங்கள் உறுதியளிக்கிறோம்.

“வேட்பாளர்களுடனோ அல்லது கட்சித் தலைவர்களுடனோ நேரடியாகப் பேச ஒரு வாய்ப்பும் கிடைக்காதவர்கள் எப்படி அவர்களது குறைகளை நிகழ்ச்சிநிரலில் கொண்டுவருவார்கள்?” என்ற கேள்விக்குப் பதிலைத்தேடி 2019 இல் நியூ நரடிஃபின் குடிமக்களின் நிகழ்ச்சிநிரல் வெளியிடப்பட்டது. சிங்கப்பூர் மக்களிடம் இருந்து 400 பதில்கள் வந்தன, அவற்றை சிங்கப்பூர் சந்திக்கும் 28 மிக முக்கிய சிக்கல்கள் எனத் தொகுத்தோம். விரைவில், இந்தக் சிக்கல்கள் சார்ந்த கட்டுரைகளை எங்கள் அனைத்து ஊடகங்களிலும் கொண்டுவந்தோம். அவற்றில் ஆழ்ந்த, ஆதாரம் சார்ந்த நீண்டகால இதழியல், ஆய்வு, விளக்கங்கள், பாட்கேஸ்ட்டுகள், பொம்மைப்படங்கள் மற்றும் காணொளிகள் அடங்கும். 2020 சிங்கப்பூர் பொதுத் தேர்தலுக்கு முன்பு, சிங்கப்பூர் குடிமக்களின் நிகழ்ச்சிநிரல் என்னும் ஒற்றைப் புத்தகத்தில் கட்டுரைகளைத் தொகுத்து வெளியிட்டோம். இந்தப் பிரச்சனைகளைக் கவனிக்க அனைத்து அரசியல் கட்சிகளையும் வரவேற்று அவர்களது பதில்களைப் பட்டியலிட்டோம்.

இந்த வருடம், குடிமக்களின் நிகழ்ச்சிநிரலை மலேஷியாவையும் உள்ளடக்குமாறு விரிவாக்கியுள்ளோம். மேலும் அறிய கீழே நகர்த்தவும்!

குடிமக்கள் நிகழ்ச்சிநிரலின் முந்தைய பிரதி மிகவும் வெற்றிகரமாக இருந்தது.

• சிங்கப்பூர் 2020 பொதுத் தேர்தலில் கவனம் ஈர்க்கக்கூடிய ஐந்து முக்கிய பிரச்சனைகளை வெற்றிகரமாகக் கணித்தது.
• தேர்தல்களுக்கு முன்பு வெளியிடப்பட்ட கையேடு, தன் முதல் பாதிப்பு முழுவதும் விற்கப்பட்டு தற்போது இரண்டாம் பதிப்பில் இருக்கிறது.
• தேர்தல் காலம் முழுவதும் ஒவ்வொரு நாள் இரவும் பல்வேறு பிரச்சனைகளில் ஜனநாயக வகுப்பறைகள் நடத்தப்பட்டு ஆர்வமாகப் பங்கேற்கும் பெருங்கூட்டத்தை ஈர்த்தது.

தேர்தல்களுக்கு அடுத்து, எதிர்கட்சிக்கு தங்கள் வாக்கை மாற்றிய மக்களுக்கும் “அரசியல் ரீதியாக செயலூக்கத்துடன்” இருந்தவர்களுக்கும் இடையே இருந்த தொடர்பை சிங்கப்பூர் அரசின் சிந்தனைக் குழுவான “தி இன்ஸ்டிடியூட் ஆஃப் பாலிசி ஸ்டடீஸ்(the Institute of Policy Studies)” கண்டுபிடித்தது. அந்தத் தொடர்பானது மாற்று செய்தி ஊடகங்களைப் (நியூ நரடிஃப் போன்று) படிப்பது அல்லது ஆன்லைன் சந்திப்பு போன்ற ஆன்லைன் அரசியல் செயல்பாடுகளில் (நியூ நரடிஃபின் ஜனநாயக வகுப்பறைகள் போன்று) பங்கேற்பது என்று அறியப்பட்டது. சில மாதங்களுக்குப் பிறகு, சிங்கப்பூரின் பிரதமர் அலுவலகம் நியூ நரடிஃப் மீது ஒரு போலீஸ் புகாரைப் பதிவு செய்தது. ஒரு வருடத்திற்கும் மேல் விசாரணை இழுக்கப்பட்டு, இறுதியாக, நியூ நரடிஃபின் இயக்கங்களைக் குறிப்பாகத் தாக்கும் சட்டத்தை  PAP அரசு அறிமுகப்படுத்துவதற்கு சில நாட்களுக்கு முன்பு கைவிடப்பட்டது. தெளிவாகத் தெரிகிறது, குடிமக்களின் நிகழ்ச்சிநிரல் ஒரு தாக்கத்தை ஏற்படுத்தியுள்ளது என்று.

---

2019 இல் முதல் குடிமக்கள் நிகழ்ச்சிநிரலை நாங்கள் எப்படி நடத்தினோம் என்று அறியுங்கள்:

கட்டம் 1 இல், 447 பேர் தாங்கள் முக்கியமெனக் கருதும் பிரச்சனைகளை எங்களிடம் கூறினார்கள். எங்கள் பார்வையாளர்கள் அந்தப் பெயரிடப்படாதத் தரவைப் பார்த்து 447 பதில்களை எப்படி 28 பிரச்சனைகளாகத் தொகுத்தோம் என்றும் பார்க்கலாம்.

கட்டம் 2 இல், சிங்கப்பூர் சந்திக்கும் முக்கிய 5 பிரச்சனைகளை 678 பேர் வாக்களித்துத் தேர்ந்தெடுத்தார்கள். அனைத்து முடிவுகள், ஆய்வுகள் மற்றும் இடத்தின் படி தரவு (தொகுதி வாரியாக) ஆகிய அனைத்திற்கும் நமது சமூகத்திற்கு அணுகல் உண்டு.

கட்டம் 3 இல், அறியப்பட்ட பிரச்சனைகள் மீது கட்டுரைகள் வெளியிட்டோம். அனைத்துக் கட்டுரைகளும் சிங்கப்பூர் குடிமக்களின் நிகழ்ச்சிநிரல் என்று புத்தகமாகத் தொகுக்கப்பட்டது.

கட்டம் 4 இல், குடிமக்கள் நிகழ்ச்சிநிரலில் சுட்டிக்காட்டப்பட்டப் பிரச்சனைகள் மீது தங்கள் கருத்துகளை அரசியல் கட்சிகளிடம் கேட்டோம்.

---

அடிக்கடி கேட்கப்படும் கேள்விகள்

---